Home PORTRAIT عّ إهدن وزغرتا لاقونا!
عّ إهدن وزغرتا لاقونا!

عّ إهدن وزغرتا لاقونا!

0
0

كتبت كلاريا الدويهي معوّض

حكاية المطبخ الزغرتاوي
هيّ حكاية تقاليد وتراث
وجرن ومدّقة وزنود
عركِت وتعبت
وخبزت لتقدم لعيلتا أطيب لقمة


والكبّة الزغرتاويي مرتبطة ارتباط قوي بسُفرتنا الغنيي بالمأكولات الشهيي
ورغم الشهرة اللي عرفتا الكبّة الزغرتاويي
بقيت الكبّة المكبكي أقل شهرا
لأنّا باختصار الأصعب
وقللّي قليلي من ستات زغرتا
بيملكوا قدرة صناعتا


ليلى باخوس الدويهي ، سيّدة زغرتاويي وأم ل ٥ اولاد
بتتميز بحبا للطبخ وشطارتا بالكبكبة
أما حكايتا مع الكباكيب الكبيري بترجع ل عمر ال٢٠سني

لمّا منشوف اصابع ليلى الصغيري ما بيخطر ببالنا لحظة إنو ممكن يطلع من تحت إيدا كباكيب بهالحجم

بتفتخر ليلى بهالقدرة لكنّا بتحزن إنو ياللي بيملكو هالكفاءة عم بيقللو
بتتميز ليلى بأنا بعدا بتعمل قرص الكبي بدون كاسة

ما في شك، إنّو المطبخ الزغرتاوي عم يتطوّر بس رح تبقا الكبي الأكلة الثابتي اللي كانو جدودنا يسموها “مسامير الركب ” لأنا بتغذي وبتقوي.
يمكن المكبكبي صاروا عم يقللو الناس اللي بيقدرو يعملوا


بس القرص رح يبقى الو العرس
وكمان الممدودي والمطبقة والكبي النيّة اللي آخدي شهرتها بزغرتا رح تبقا
ورح يضّل في ستات تسلّم
الأجيال الجديدي
شعلة التراث والتقاليد الحلوي
اللي بتعطينا خصوصيي وميزي وبتترك بصمة.



فكرة وإعداد وvoice over كلاريا الدويهي معوّض
‏Editing: Ursula Ghaleb
‏Credits: Ehden by drone. By CNK Hobbies
‏#Ehden #Zgharta #Lebanon #Kebbeh

# زغرتا_المطبخ_الزغرتاوي

#لبنان #الأوائل #إهدن_للملوك

#Lekmeh_zghirteiwiyeh